تعبني الوكت وهنا اريد ارتاح
مهموم بغربتي وما شفت راحة
طير وريح ضدي والزمن رماي
بس كلي شيطرة الكسرو اجناحة
غركت ابحر مضلم ياهو للغركان
من نشأت الموت يريد سباحة
اسنين اني بغربتي والنتيجة اهموم
وعالي الفرح عني وعمري مالاحة
عاركني الوكت واخسرت عركة موت
ولا واحد وكفلي وطلع اسلاحة
هلي بالغربة تجفي ولا محنى اهناك
ولا صوت العتاب يأثر اصياحة
نحصد بالاهموم وناكل المحصود
خلص بينة العمر بس تعب الافلاحة
يهلنة مضيعين وضلينة بين اجناب
يهلنة اخلافكم حسينة بالذل
تهنة بالحزن والدرب حيل طويل
وبس القاسي قلبة هناك يندله
هلي وبلكت مثلكم نلكة ناس هناك
لا جذاب كلمن يلكة مثل سراب واهلة
انا هسة بقلب بي جوية الفركة
هلي لا مثلكم ابد ما الكة
خلوني ابوس اترابكم وابجي على عمري الفات
احس من الافراك الروح محتركة
وخلوني اشم طيبتكم ويا الريح
واتنس هواكم مو روحي مختنكة
هلي وياطيفكم باقي ويا رمش العين
مزروع ويا روحي وبالقلب عركة